2003年5月8日

無聊事兩則

《無聊事一號》

有一晚和細佬icq chat (註:親細佬),他叫我返家時買藥滅蟻,屋企螞蟻通處走恐怖嚇人。

我說,我唔知買邊隻,更加唔知邊度有。
細佬說:應該有一款好似來來蟑螂屋咁,不過係對付螞蟻。

嗯....咁即係點呢?

他回應:it eat it it bring it to it home and it die and it's friend eat it and it's friend also die ar ma it is so power ar
.
親愛的小弟,你的英文實在是太有型。我仍搞不清是『來來吃螞蟻』還是『螞蟻吃來來』,只知道你實在是無敵可愛+文筆流暢。

=========================================================
《無聊事二號》

前日去買魚缸wallpaper,見到條黑色細細波子魚仔。

波子個肚仔漲卜卜,好似同我講「喂我好飽呀,帶我返屋企啦,唔駛餵我架,我好易照顧,唔易病。最乖。買我啦~買我啦~」

好搞笑喎,諗都唔諗就買左佢。

第二朝起身睇魚仔,發現魚缸多左一條細細粒既黑魚仔彈下彈下。

點解點解呢我明明只得白色bb魚,再望過去另一邊發現:波子生緊BB ! ! ! ! ! ! !

親眼睇住一條條魚仔o係佢身體游出黎。好感動!!!生命神奇!!!好似睇緊discovery channel.......好緊張一邊不停為佢打氣鼓勵加油努力。

生生生生左好多條,生到肚都細埋。

先發現:原來佢根本唔係一條波子,而係一條大左肚既黑魔利魚媽媽。

誤會左佢,但好感動。

另一條橙色魚魚又大肚了,好快又會有橙色BB魚。

人養魚我養魚,唔知點解我養到咁成功。

沒有留言:

發佈留言